Тошкентда 4 августдан 5 августга ўтган сутка давомида 4 та ёнғин ҳолати қайд этилди. Тошкент шаҳар Ёнғин хавфсизлиги бошқармаси матбуот хизмати хабарига кўра, шулардан 3 таси қуриган ўсимлик ва чиқиндиларнинг ёниши билан боғлиқ ёнғинлардир.
Таъкидланишича, ушбу ёнғинларда инсонларни ҳалок бўлиш ва тан жароҳати олиш ҳолатлари қайд этилмаган.
Хусусан, 4 август, соат тахминан 23:09 да Чилонзор тумани, Арнасой кўчаси 7-уйда жойлашган «Баркач» рестораннинг ёрдамчи ва генератор хоналари ҳамда том қисми 40 квадрат метр майдони ёнган.
Ёнғиндан ресторан биносининг 2000 квадрат метр майдонидаги қурилмалари сақланиб қолинган. Ўт ўчирувчилар воқеа жойига 23:14 да етиб келган ва ёнғин соат 23:20 да бартараф этилган.
Ҳалокат сабабли келтирилган моддий зарар миқдори аниқланмоқда.
Изоҳ (0)