Аввалроқ Хотин-қизлар ўртасида ҳуқуқбузарлик ва жиноятчиликни олдини олиш мақсадида 27 июнь куни Тошкент шаҳар Ички ишлар бош бошқармаси ҳамда Хотин-қизлар қўмитаси ҳамкорлигидаги Қўшма қарор ишлаб чиқилгани ва Тошкент шаҳар ҳокими томонидан тасдиқлангани ҳақида хабар берилган эди. Ижтимоий тармоқларда ушбу қарор кенг муҳокамаларга сабаб бўлмоқда.
Ўзбекистон Хотин-қизлар қўмитаси раиси Элмира Боситхонова ушбу рўйхат тузилишида иштирок этмаганини маълум қилди.
«Ўзбекистон Хотин-қизлар қўмитаси раиси сифатида хотин-қизларни таснифлайдиган, тоифага ажратадиган рўйхатни шакллантиришга қатъиян қаршиман.
Бугун интернет тармоғида шов-шувга айланган ‘хотин-қизларнинг 23 та тоифаси рўйхати’ тузилишига менинг ҳеч қандай алоқам йўқ.
Журналистлар, блогерлар ҳамда интернет фойдаланувчиларидан менинг шаънимга айтилаётган ҳақоратларни тўхтатишларини сўраб қоламан», — дейилади Элмира Боситхонованинг мурожаатида.
Изоҳ (0)