Вазирлар Маҳкамаси ҳузуридаги Таълим сифатини назорат қилиш давлат инспекцияси абитуриентларни Ўзбекистон университетларидан бири қабул учун ҳужжатларни қонуний асосларсиз қабул қилишидан огоҳлантирмоқда.
«Новости Узбекистана»нинг ёзишича, Қарши шаҳридаги Халқаро ижтимоий-иқтисодиёт университети нодавлат олий таълим муассасаси Таълим сифатини назорат қилиш давлат инспекциясига лицензия олиш учун бир неча бор ариза билан мурожаат қилганига қарамай, лицензияга эга эмас.
Лекин ушбу муассаса олий таълим хизматларини кўрсатиш учун белгиланган талаб ва нормаларга жавоб бермагани, ўз биносига эга бўлмагани ҳамда замонавий ахборот-коммуникация, асбоб-ускуналари ва техник воситалари билан жиҳозланган аудиторияларга эга бўлмагани сабабли лицензия бериш рад этилган.
Бироқ университет раҳбарияти ушбу таълим муассасаси лицензияга эгалиги, унинг дипломи давлат олий таълим муассасаларига тенглаштирилганини айтиб, абитуриентлардан ҳужжатлар қабул қилишда давом этмоқда ва қабул учун тўлов ундирмоқда. Маълумотга кўра, абитуриентлар 101 365 сўм тўлаши лозим.
Таъкидланишича, университет имтиҳон ўтказмайди ва контрактни тўлаган барча абитуриентларни ўқишга қабул қилишга ваъда бермоқда. Давлат инспекцияси университет ноқонуний фаолиятининг олдини олиш мақсадида Қашқадарё вилояти ҳокимлигига хат юборган.
Изоҳ (0)