Бугун,

  • USD 11014.01
  • RUB 191.8
  • EUR 10674.78

17 йилдан буён Францияда фаолият юритиб келаётган бухоролик ёш тадбиркор Саиджон Мақсудов Бухоронинг эски шаҳрида қаҳвахона ва туристик ахборот маркази биносини қуришни мўлжаллаган. У 2018 йилда Бухоро шаҳар ҳокимига ер майдони ажратишни сўраб мурожаат қилган ва ўз лойиҳасини тақдим этган.

Қуриладиган қаҳвахона ва туристик ахборот маркази лойиҳаси.

Қуриладиган қаҳвахона ва туристик ахборот маркази лойиҳаси.
Фото: «Дарё»

Бухоро вилояти Туризмни ривожлантириш департаменти директори Фурқат Хўжаевнинг билдиришича, Бухорога ташриф буюрган ҳар бир сайёҳ, албатта, ўзи яқиндан танишмоқчи ёки бориб кўрмоқчи бўлган обида ва қадим меъморий ёдгорликлар, сайёҳлик маршрутлари ҳақида батафсил маълумот олишни истайди. Айни пайтда фаолиятини шундай мақсадга қаратган замонавий туристик ахборот маркази Бухоро учун жуда зарур. Шу маънода хусусий инвестор ва тадбиркор томонидан тақдим этилган лойиҳа ўлкада туризмни ривожлантиришда катта аҳамият касб этади.

Қаҳвахона ва туристик ахборот маркази қуриладиган жой.

Қаҳвахона ва туристик ахборот маркази қуриладиган жой.
Фото: «Дарё»

Туризм шаҳри саналган Бухоройи шарифнинг шаҳарсозлик нормаларига тўғри келадиган, сайёҳлар ва маҳаллий аҳоли эҳтиёжи учун зарур бўлган тадбиркор лойиҳаси мутасадди раҳбарлар томонидан қўллаб-қувватланган. Объектнинг қурилиш ва ободонлаштириш ишларига бевосита мутасадди ташкилотлар, жумладан, республика Маданият вазирлигига қарашли Маданий мерос объектларини муҳофаза қилиш ва улардан фойдаланиш илмий ишлаб чиқариш бош бошқармаси, шаҳар архитектура ва қурилиш бош бошқармаси, давлат санитария-эпидемиология назорати маркази шаҳар бўлими, ер тузиш кўчмас мулк кадастри давлат корхонаси, қолаверса, вилоят «Сувоқава» ДУК, шаҳар электр тармоқлари, ҳудудий газ таъминоти корхоналари ва ёнғин хавфсизлиги бошқармасидан хулосалар олинган.

Фото: «Дарё»

Фото: «Дарё»

Дарахтлар кесилмаган, ресторан учун ертўла қазилмаган

Маданий мерос объектларини муҳофаза қилиш ва улардан фойдаланиш илмий ишлаб чиқариш бош бошқармаси бошлиғи Суҳроб Бобоевнинг билдиришича, лойиҳа қурилиши «Нодир Девонбеги» мадрасасига салбий таъсир кўрсатмайди. Ҳудуд тадбиркор ташаббусидан кейин Бош бошқарма мутахассислари ва бошқарма қошидаги Реставрация ва муҳофаза қилиш илмий-методик кенгаши аъзолари томонидан атрофлича ўрганилган ва маъқулланган. Ўзбекистон Президентининг 2017 йил 19 майдаги ПҚ-2980-сонли «2017–2019 йилларда Бухоро вилояти ва Бухоро шаҳрининг туризм салоҳиятини жадал ривожлантириш чора-тадбирлари тўғрисида»ги қарори асосида лойиҳа учун 120 квадрат метрдан иборат ер майдони ажратилган.

Қуриладиган қаҳвахона ва туристик ахборот маркази лойиҳаси.

Қуриладиган қаҳвахона ва туристик ахборот маркази лойиҳаси.
Фото: «Дарё»

Фото: «Дарё»

— Баҳоуддин Нақшбанд ва Меҳтар Анбар кўчалари кесишмаси ҳудудидаги фойдаланилмайдиган захира ерлари ҳисобидан ажратилган ер майдонида қаҳвахона ва туристик ахборот маркази қуришни мўлжаллаганмиз. 120 квадрат метр ҳажмдаги ер майдонида лойиҳани амалга ошириш учун ишга киришганимизга бир неча кунгина бўлди. Бироқ, troll.uz саҳифаси орқали тарқалган «Франциядан инвестор бўлишга даъво қилаётган бир ақлли одам, сайёҳлик маълумот маркази баҳонасида у ерда кафе қуришга қарор қилди. Табиийки, у дарахтларни кесади» деган ноўрин иддао билан чиққан. Шунга қарамасдан, биз ортга чекинмадик. Бундан ташқари, ажратилган ер майдони ертўла учун қазиб ҳам ташланган эмас. Ҳатто, ертўлали ресторан қуриш ҳақида режа тузиш тугул, бу ҳақда ўйлаб ҳам кўрмаганмиз, — деди ёш тадбиркор Саиджон Мақсудов.

Қуриладиган қаҳвахона ва туристик ахборот маркази лойиҳаси.

Қуриладиган қаҳвахона ва туристик ахборот маркази лойиҳаси.
Фото: «Дарё»

Қаҳвахона ва туристик ахборот маркази қуриладиган жой.

Қаҳвахона ва туристик ахборот маркази қуриладиган жой.
Фото: «Дарё»

Бино тикланиши учун 200 минг евро сарфланади

«Дарё» мухбири томонидан ижтимоий тармоқларда тарқалган ҳолат ўрганилди. Яшил майса билан қопланган майдон атрофи баннерлар билан ўраб олинган. Қаҳвахона ва туристик ахборот маркази биносини тиклаш учун бирорта дарахт ёки қадимий обидага шикаст етказилмаган. Ушбу манзилда саноқлигина дарахт бор. Уларнинг бир нечта қуриган шохларигагина санитар шакл берилган. Бу борада буюртмачи сифатида вилоят экология ва атроф-муҳитни муҳофаза қилиш бошқармасига мурожаат қилинган.

Қуриладиган қаҳвахона ва туристик ахборот маркази лойиҳаси.

Қуриладиган қаҳвахона ва туристик ахборот маркази лойиҳаси.
Фото: «Дарё»

Фото: «Дарё»

Қаҳваҳона ва туристик ахборот маркази биноси узоғи билан 4–5 ой ичида қурилиб, фойдаланишга топширилиши мўлжалланган. Тадбиркор бунинг учун етарлича сармояга эга. Барпо этилиши мўлжалланаётган объект учун хусусий инвестор ҳисобидан 200 минг евро маблағ сарфланиши кўзда тутилган.

Маълумотга кўра, барпо бўлаётган бино шимол томонидан Баҳоуддин Нақшбанд кўчаси билан, шарқ ва жануб томонлардан – шахсий бино билан, ғарб томонидан – ички йўл билан чегараланган.

Тунис Ютержик ва Саиджон Мақсудов.

Тунис Ютержик ва Саиджон Мақсудов.
Фото: «Дарё»

— Бино ишга тушгач, турли хориж тилларида бемалол сўзлай оладиган, замонавий технологиялардан хабардор ўн нафарча ёшларнинг иш билан бандлиги таъминланади, — деди тадбиркор Саиджон Мақсудов. — Шу ўринда айтиб ўтишим керакки, Парижнинг уч кварталида Бухоро шарафига номланган ва укам Суҳробжон билан биргаликда Nationale chayxana de Bukhara деб номланган миллий таомлар ресторанимизни очишга эришганмиз. Франциялик халқаро маслаҳатчи Тунис Ютержик лойиҳаларимнинг яқин ҳамкорларидан. Лойиҳанинг энг кичик элементигача чуқур ўйланиб, халқаро стандартларга мос равишга келтирилган. Бухоро туристик салоҳиятни янада ошириш йўлида хизмат қиладиган катта-катта мақсадлар ётибди унинг замирида. Ўйлаймизки, бу мўъжаз манзил — Бухорога келадиган ўзбекистонлик ва хорижлик сайёҳлар учун жуда ажойиб совға бўлади.

Фото: «Дарё»

Изоҳ
Асосий янгиликлар