Бўлиниб кетган «Уммон» гуруҳининг яккахон хонандаси сифатида фаолият юритаётган Шоҳрух «Дарё» интернет-нашри учун эксклюзив интервью берди. Интервьюни журналист Феруз Муҳаммад ташкиллаштирди.
Суҳбат давомида Шоҳрух «Уммон» гуруҳининг бўлиниб кетиш сабаблари ҳақида очиқ-ойдин гапириб берди.
Кўпчилик PR деб ўйлади. Ўзимиз ҳам PR бўлишини жуда хоҳлаганмиз. Сентябрь ойида концерт қўйишни ҳам режалаштирган эдик. ‘Уммон’ гуруҳининг бўлиниб кетишининг аниқ сабаби, охирги пайтларда бир-биримизни тушунмай қолдик, фикрларимизни ҳурмат қилмай қўйгандик. 10 йил бирга бўлдик, 10 йилнинг ичида жуда кўп қийинчиликлар кўрдик. Охирги йилларда эса ҳамма ўзининг иши билан бўлиб кетди. Бир-биримиздан узоқлашиб кетдик. Асл сабаби ҳам шунда.Фикрларимизга қарши чиқишни бошладик, шундан кейин ўртамизда зиддиятлар бошланди. Жасур ва мен оилали бўлдик. Оилали бўлгандан кейин инсонга кўп нарса керак бўлади. Оддий нарсаларни талашадиган бўлиб қолдик.
Зоҳид менга биринчи марта гуруҳдан чиқишини айтганда у билан бирга ўтириб гаплашган эдим. Лекин Зоҳид аллақачон қарор қабул қилиб бўлган эди. ‘Ўртоқ, бу нарсани ўйлаганимда мазам қочиб қолди. Мен ҳар томонлама ўйладим. Сени, Жасурни, мухлисларни, гуруҳни ўйлаб қарор қабул қилдим. Ҳаммамиз алоҳида ижод қиламиз. Агарда тўйлар ёки концертлар бўлиб қолса бирга бораверамиз’, деди. Мен ҳам ‘Майли, менга фарқи йўқ’ деб жавоб бердим. Тўғрисини айтсам буларни яна эслагим келмаяпти. Аммо шуни айтмоқчиманки, биз ҳозир ҳам кўришиб турамиз, муносабатларимиз тўхтаб қолгани йўқ.
Шоҳрух, «Уммон» гуруҳи яккахони
Изоҳ (0)