Ўзбекистон вакиллари Путражая шаҳри маъмурияти томонидан жорий йил 25—28 июль кунлари «Ислом дунёси мусиқа ва вокалининг улуғворлиги» мавзусида бўлиб ўтган Халқаро ислом санъати ва маданияти фестивалида (PIIACUF) қатнашди.
Ўзбекистоннинг Малайзиядаги элчихонаси маълумотига кўра, фестивал 2013 йилдан бошлаб ҳар икки йилда бир маротаба ўтказилади. Тадбирда доимий равишда «Ҳунарманд» уюшмаси ўзбек халқ амалий санъати намойиши билан қатнашиб келмоқда.
Фестивалда ўзбекистонликлардан ташқари Малайзия, Индонезия, Кувайт, Эрон, Марокаш, Туркия, Бангладеш, Таиланд, Бруней ва Жанубий Корея каби давлатлар иштирок этди.
Тадбир ташкилотчилари ва иштирокчиларига 2019 йилнинг 10−15 сентябрь кунлари Қўқон шаҳрида илк бор Халқаро ҳунармандчилик фестивали ва ҳамда фестивал доирасида «Ҳунармандчилик ва халқ амалий санъатини ривожлантириш истиқболлари» мавзусида илмий-амалий конференцияси ўтказилиши ҳақида хабар берилди.
Изоҳ (0)