Тошкент вилояти ИИББ ЙҲХ бошқармаси Бўстонлиқ туманидаги тирбандликларнинг келиб чиқиш сабаблари юзасидан изоҳ берди.
Тошкент вилояти Бўстонлиқ туманида туризм индустриясини жадал ривожлантириш, туманга келаётган транспорт воситаларининг тирбандликлари олдини олиш ва уларнинг ҳаракатини тартибга солиш ҳамда хавфсиз туризмни таъминлаш мақсадида туман ҳудудидан ўтган 4Р12 «Бектемир—Чирчиқ—Ғазалкент—Чорбоғ» автомобиль йўлининг 74-км.ида жойлашган Хўжакент қишлоғи умумий овқатланиш шохобчалари («Бочка») олдида эски кўприкни замонавий йўл инфратузилмасига айлантириш юзасидан кенгайтириш, таъмирлаш ҳамда қўшимча айланма йўллар қуриш ишлари олиб борилмоқда.
Шу сабабли, дам олиш кунларида ушбу таъмирланаётган кўприк олдида транспорт воситаларининг тирбандликлари юзага келмоқда.
Тошкент вилояти ИИББ ЙҲХ бошқармаси маҳаллий аҳолидан ва Бўстонлиқ туманига дам олиш учун келувчилардан ушбу таъмирланаётган йўл қатнов қисмидан ўтишларида «Йўл ҳаракати қоидалари»га риоя этишларини ва бошқа йўл ҳаракати иштирокчиларини ҳурмат қилишларини сўрайди.
Изоҳ (0)