Халқ таълими вазирлиги Uztelecom компанияси билан Президент мактабларига 22—24 июль кунлари бўлиб ўтадиган асосий қабул имтиҳонларини реал вақт режимида (онлайн) кузатиш учун имконият яратди.
Асосий қабул имтиҳонлари шаффофлигини таъминлаш мақсадида имтиҳонларнинг видео-стриминги ташкил этмоқда. Барча хоҳловчилар кириш имтиҳонлари жараёнларини ҳаволаси орқали кузатиши мумкин.
Наманган, Нукус, Хоразм ва Тошкент шаҳарларида қабул имтиҳонлари ўтказилиши мўлжалланган биноларда веб-камералар ўрнатилган, улар ўз навбатида онлайн тарзда кириш имтиҳонларининг барча жараёнларини кўрсатади.
Саҳифа TAS-IX ҳудудида жойлашганлиги сабабли видео оқимининг юкланишдаги тезлигини таъминлайди. Кўпгина интернет-провайдерлар TAS-IX даги трафикларга ҳақ олмагани учун фойдаланувчиларнинг маблағлари тежалади.
Изоҳ (0)