«Gazeta.uz» нашрида Тошкентда ички ишлар ходимлари кечки вақтда мусиқани баландлатиб қўяётган тунги клубга нисбатан чора кўрилмаётгани ҳақида мақола эълон қилинганди.
ИИББ матбуот хизматига кўра, бошқарма мазкур вазият билан боғлиқ барча ҳолатларни максимал даражада объектив кўриб чиқади. Ходимларнинг ҳаракати ўрганилади.
«Тунги клуб айбини тан олмаётгани ва масала баҳсли бўлгани сабабли ушбу муаммо комплекс тарзда ҳал этилиши лозим. Фуқаро Никита Макаренконинг аризаси белгиланган тартибда кўриб чиқилади. Жумладан, тегишли хизматлар томонидан шовқин даражаси қайтадан ўлчанади», — дейилади хабарда.
ИИББ журналистга жамоатчилик ҳаётидаги фаол иштироки ва ижтимоий муҳим муаммоларга бефарқ бўлмагани учун миннатдорлик билдирган.
Изоҳ (0)