Жорий йил январь—июнь ойларида доимий яшаш учун Ўзбекистондан хорижий давлатларга кўчиб кетганлар сони 4 847 кишини ташкил қилди. Бу ҳақда Статистика қўмитаси маълум қилди.
Шундан 56,3 фоизи Қозоғистон, 36,9 фоизи Россия, 1,2 фоизи АҚШ, 1 фоизи Исроил, қолган 4,6 фоизи эса бошқа давлатларни танлаган.
Йил бошидан бери доимий яшаш учун Ўзбекистонга кўчиб келганлар сони 1361 кишини ташкил этди. Шундан 29,7 фоизи Қозоғистон, 24,2 фоизи Тожикистон, 22,3 фоизи Россия, 14,3 фоизи Қирғизистон, 9,5 фоизи бошқа мамлакатлар ҳиссасига тўғри келади.
Миграция салдоси минус 3,5 минг кишига етди ва 2018 йилнинг шу даврига нисбатан минус 6,2 минг кишини ташкил этди.
Миграция даражаси юқорилиги Қашқадарё (минус 3,3 минг киши), Самарқанд (минус 2,5 минг киши) ва Қорақалпоғистонда (минус 1,7 минг киши) қайд этилди. Миграциянинг ижобий салдоси Тошкент шаҳрида (плюс 12,9 минг киши) кузатилди.
Изоҳ (0)