IIBB Toshkentdagi tungi klub shovqinidan shikoyat qilgan jurnalistning arizasini qayta ko‘rib chiqadigan bo‘ldi

“Gazeta.uz” nashrida Toshkentda ichki ishlar xodimlari kechki vaqtda musiqani balandlatib qo‘yayotgan tungi klubga nisbatan chora ko‘rilmayotgani haqida maqola e’lon qilingandi.

IIBB matbuot xizmatiga ko‘ra, boshqarma mazkur vaziyat bilan bog‘liq barcha holatlarni maksimal darajada obyektiv ko‘rib chiqadi. Xodimlarning harakati o‘rganiladi.

“Tungi klub aybini tan olmayotgani va masala bahsli bo‘lgani sababli ushbu muammo kompleks tarzda hal etilishi lozim. Fuqaro Nikita Makarenkoning arizasi belgilangan tartibda ko‘rib chiqiladi. Jumladan, tegishli xizmatlar tomonidan shovqin darajasi qaytadan o‘lchanadi”, — deyiladi xabarda.

IIBB jurnalistga jamoatchilik hayotidagi faol ishtiroki va ijtimoiy muhim muammolarga befarq bo‘lmagani uchun minnatdorlik bildirgan.