АҚШ президенти Дональд Трамп мамлакат ҳудудида уран ишлаб чиқаришга квота ўрнатиш таклифига рад жавобини берди. Бу ҳақда «ТАСС» маълум қилди.
Трамп олдинроқ хориждан уран импорти миллий хавфсизликка таҳдид туғдириши ҳақидаги қарорга келган АҚШ Савдо вазирлиги хулосаларига қўшилмади. Шу билан бирга, мазкур хулосалар унда «ташвиш туғдиргани»ни таъкидлади ва ядро ёқилғиси етказиб бериш жараёнини батафсил таҳлил этишни талаб қилди.
АҚШ фуқаровий ядро реакторларида маҳаллий ураннинг улуши атиги 7 фоизни ташкил этади, қолган қисми четдан экспорт қилинади. Савдо вазирлиги маълумотларига кўра, асосий экспортчилар қаторида Канада (25 фоиз), Қозоғистон (24), Австралия (20), Россия (14 фоиз) ва Ўзбекистон (4 фоиз) қайд этилган.
Изоҳ (0)