Аввалроқ хабар берганимиздек, 12 июль куни Олий Мажлис Сенатининг Бюджет ва иқтисодий ислоҳотлар масалалари қўмитаси томонидан долзарб масалаларга бағишланган давра суҳбати ўтказилган эди.
Мунозара шаклидаги тадбирда Ўзбекистон либерал-демократик партияси Сирдарё вилояти Кенгаши раиси, Олий мажлис Сенатининг аъзоси Улуғбек Сотиболдиев мамлакат солиқ, божхона ва банк тизимларидаги мавжуд муаммолар, уларни ҳал этишга қаратилган чоралар ва таклифларни ўз ичига олган маъруза қилди. Қуйида сенат аъзосининг таклифларини келтириб ўтамиз:
- Барча тадбиркорлик субъектлари умумбелгиланган солиқ тўловчилари бўлиши керак, фақат якка хизмат тури билан шуғулланувчи якка тартибдаги тадбиркорлар қатъий белгиланган солиқ тўловчилари бўлиши мумкин.
- Маҳсулотлар ва хизматлар экспортидан топилган даромад солиққа тортилмаслиги керак.
- Банклар ва молиявий ташкилотлар фаолияти солиққа тортилмаслиги керак.
- Хайрия жамғармалари ва уюшмалар фаолияти солиққа тортилмаслиги керак.
- Мамлакат ҳудудидан ташқарида топилган даромад солиққа тортилмаслиги керак.
- Жисмоний шахсларнинг даромад солиғи 10 фоиз ва ҳар ой ҳисобот топширилиши керак.
- Ягона ижтимоий тўлов 10 фоиз ва шахсий ҳисоб варағига жамғарилиши керак ва ҳар ой ҳисобот топширилиши керак.
- Қўшилган қиймат солиғи 10 фоиз ва ҳамма соҳага қўлланилиши керак ва ҳар ой ҳисобот топширилиши керак. ҚҚС ни ҳисобга олишнинг биринчи ва иккинчи ҳисобга олиш услуби қўлланилиши керак. ҚҚС ҳисобланган кўчмас мулк ва транспорт воситаси жисмоний шахсга сотилганда ҚҚС акс эттирилган ҳолда ҳужжат расмийлаштирилиши керак ва жисмоний шахсдан юридик шахс қайтиб сотиб олганда бу ҚҚС ҳисобга олиниши керак.
- Фойда солиғи 10 фоиз ва соҳаларга қараб ҳисобот топширилиши керак.
- Ер солиғи уч хил шаклда ҳисобланиши керак ва турига қараб ҳисобот топширилиши керак.
2) томорқа ерлари фойдаланилаётганлигига қараб;
3) бино ва иншоотлар эгаллаган ерлар марказга яқинлигига қараб;
- Булардан ташқари сувдан фойдаланганлик солиғи, табиий ресурслар солиғи, аксиз солиғи маҳсулот турига қараб ва қатъий белгиланган солиқ тўлов тури хизмат турига қараб ҳам бўлиши керак. Автомобиль ёқилғиси солиғи вақтинчалик амал қилиб, кейин бу ҳам бекор бўлиши керак, автомагистрал йўлларини пуллик қилиб қўйиш керак.
- Импорт бўлган маҳсулот ва хизматлардан (баъзи махсус товарлардан ташқари) фақат 10 фоиз ҚҚС ва божхона йиғими олиниши керак, қўллаб-қувватланиши керак бўлган соҳаларнинг уюшмаларига аъзо бўлган корхоналарга ишлаб чиқариш ускуналари ва бутловчи қисмлари, хом-ашё ва шу кабилар корхонанинг шахсий эҳтиёжи учун импорт қилинганда ҚҚС тўловидан озод этилади, агар ички бозорга сотилса, ҚҚС ҳисобланиб сотилиши керак. Асосий воситаларнинг ҚҚС ни бухгалтерия стандартларидаги эскириш ҳисоблаш тартибига мос ҳолда ҳисобга олиш керак.
- Экспорт бўлган маҳсулот ва хизматлар нол ставка ҚҚС билан амалга оширилиши керак ва фуқароларнинг давлат ҳудудидан олиб чиқиб кетаётган маҳсулотларининг ҚҚС сўммаси қайтариб берилиши керак.
- Онлайн электрон счёт-фактуралар юритилиши керак ва чакана савдодаги маҳсулотларнинг рўйхатлари ҳам кунлик электрон киритилиб борилиши керак.
- Мулк солиғидан тўлиқ воз кечилиши керак, унинг ўрнига ер солиғини такомиллаштириш керак.
- Банк тизими жаҳон бозорига очиқ, давлат аралашувидан мустақил ва эркин бозор иқтисодиёти шароити тамойилларига асосланган бўлиши керак (имтиёзли молиялаштириш жараёнида банклар фақат таъминот учун воситачи вазифасини бажариши керак).
- Банк тизимида босқичма-босқич нақд пул муомаласидан воз кечилиб, нақдсиз пул муомаласига ўтиш керак.
- Миллий валютамиз мустаҳкамлигини давлат ўз кафолатига олиши керак.
- Импортни қопламайдиган экспорт фарқини дастурли инвестициялар билан қоплаш керак.
- Экспортни қопламайдиган импорт фарқини пул эмиссияси билан қоплаш керак.
- Қўллаб-қувватланиши керак бўлган турли соҳа уюшмаларининг аъзоларини имтиёзли молиялаштириш учун жамғармаларни экспорт ва дастурли инвестицияларга қарши пул эмиссияси билан шакллантириш керак.
Изоҳ (0)