2019 йил 11 июль куни маҳаллий вақт билан соат 14:00 да Қозоғистоннинг Қизилўрда вилояти Жанақўрғон туманидаги автомобиль йўлида ичида икки нафар ўзбекистонлик бўлган ВАЗ-2107 автомашинаси иштирокида йўл-транспорт ҳодисаси рўй берди. Бу ҳақда Ташқи ишлар вазирлиги Ўзбекистоннинг Олмаота шаҳридаги Бош консулхонаси берган маълумотга таяниб хабар қилмоқда.
Натижада Ўзбекистон фуқароси Ш.Д. вафот этди, иккинчи ўзбекистонлик М.К.га биринчи зарур тиббий ёрдам кўрсатилганидан сўнг касалхонага ётишга зарурати йўқлиги маълум қилинди.
Бош консулхона вазиятни назоратга олган.
Консуллик-ҳуқуқий департаменти Қозоғистонда бўлиб турган Ўзбекистон фуқаролари зарур ҳолларда Ўзбекистоннинг Нур-Султон шаҳридаги Элчихонасига (Нур-Султон шаҳри, Ақмўла, Шимолий Қозоғистон, Павлодар, Қостанай ва Қарағанда вилоятлари, тел.: +7-717-295-42-52); Актау шаҳридаги Бош консулхонага (Ақтўбе, Атирау, Ғарбий Қозоғистон ва Мангистау вилоятлари, тел .: +7-729-277-71-17); Олмаота шаҳридаги Бош консулхонага (Олмаота шаҳри, Чимкент шаҳри, Олмаота вилояти, Шарқий Қозоғистон, Туркистон, Жамбил ва Қизилўрда вилоятлари, тел.: +7-727-291-11-78) мурожаат қилишлари мумкинлигини эслатади.
Изоҳ (0)