Янгиқўрғон туманлараро иқтисодий судининг 2018 йил 26 декабрдаги суд буйруғига кўра Наманган вилоят «Қишлоқичимликсув» МЧЖдан «Барокат ҳиммат файзи» хусусий корхонаси фойдасига 1 миллиард 211 миллион сўм ундириш белгиланганди. Бу ҳақда «Дарё»га МИБ матбуот хизмати маълум қилди.
Мазкур ижро ҳужжатини ижросини таъминлаш мақсадида бюронинг Косонсой туман бўлими иш юритувида тегишли чора-тадбирлар амалга оширилди. Хусусан, давлат ижрочиси томонидан қарздорнинг банкдаги ҳисоб рақамига инкассо топшириқномаси қўйилиб, тегишли мол-мулклари борлиги аниқланди.
Асосийси, ижро ҳаракатлари давомида хатланган қарздорга тегишлилиги аниқланган 3 та кўчмас мулк биноcи электрон онлайн аукцион савдосига жойлаштирилиши тўғрисида огоҳлантирилгандан сўнг «Барокат ҳиммат файзи» хусусий корхонасига 1 миллиарддан ортиқ маблағни тўлаб берди.
Бундан ташқари, 15.232.618 сўм ижро йиғими ҳам ундирилиб, ижро ҳаракати тамомланди.
Изоҳ (0)