«Вақф» хайрия жамоат фонди томонидан имконияти чекланган, эшитиш ва сўзлаш билан боғлиқ ногиронлиги бўлган кишилар учун «Сурдо Ўзбекистон» лойиҳаси амалга оширилди. Бу ҳақда фонд матбуот хизмати маълум қилди.
Ушбу лойиҳа доирасида Ўзбекистондаги йигирмага яқин жоме масжидларда жума маърузаларини имо-ишора тилида намойиш этиш йўлга қўйилди.
Фонд ташаббуси билан 2019 йилдан бошлаб Тошкент шаҳридаги «Кўкалдош» ўрта махсус ислом билим юртида имконияти чекланган инсонлар учун Қуръони карим ва тажвид, араб тили курслари ташкил этилди. Ушбу курслар «Вақф» фонди ҳомийлиги остида ташкил этилган бўлиб, имконияти чекланган кишилар унда бепул тарзда ўқитилмоқда.
Изоҳ (0)