Форс кўрфазида Эрон армиясининг бешта катери Британия танкерини қўлга олишга уринди, деб хабар бермоқда «Эхо Москви».
Маълум бўлишича, Эрон катерлари Форс кўрфазидан Ҳўрмуз бўғозига чиқаётган Британия танкерига йўналишини ўзгартириб, Эрон ҳудудий сувларида тўхташни талаб қилган. Шундан сўнг Қироллик флотига ҳамроҳлик қилган HMS Montrose фрегати Эрон кемаларига қуролни шайлаб, чекинишни талаб қилган ва Эрон кемалари унга бўйсунган.
Расмийлар маълумотига кўра, АҚШда воқеа акс этган видеолавҳа бор бўлиб, у кўрфаз тепасидан учаётган самолёт бортидан тасвирга олинган. Аммо бу видеотасвир журналистларга тақдим этилмаган.
Эслатиб ўтамиз, Эрон ва АҚШ ўртасидаги муносабатлар май ва июнь ойида Форс кўрфазидаги икки танкерга ҳужум қилинганидан сўнг ёмонлашган. Америка ҳукумати бунда Теҳронни айбламоқда.
Изоҳ (0)