Чехиянинг Карлови Вари шаҳрида Ўзбекистон фуқароси вафот этди. Бу ҳақда Ўзбекистоннинг Берлиндаги элчихонаси маълумотига таяниб, ТИВ матбуот хизмати хабар берди.
Қайд этилишича, Ўзбекистон фуқароси Н.Ж. 10 июль куни Карлови Вари шаҳридаги санаторийлардан бирида вафот этган.
Айни пайтда элчихонанинг консуллик бўлими марҳумнинг қариндошлари ва Прага шаҳридаги ўзбек диаспораси вакиллари билан биргаликда консуллик-ҳуқуқий масалаларни, жумладан, вафот этган фуқаронинг жасадини Ўзбекистонга юборишни ҳал қилмоқда.
Консуллик-ҳуқуқий департаменти Германия (Берлин, Бранденбург, Бремен, Қуйи Саксония, Гамбург, Мекленбург-Олд Померания, Саксония, Саксония-Анҳалт, Шлезвиг-Ҳолштайн, Турингия), Швеция, Швейцария ва Чехия ҳудудида бўлиб турган Ўзбекистон фуқаролари зарур ҳолларда мамлакатнинг Берлин элчихонасига +49-30-39-40-98-55, +49-30-39-40-98-30 телефон рақамлари орқали мурожаат қилиши мумкинлигини эслатган.
Изоҳ (0)