МИБ Кармана бўлими томонидан жорий йилнинг ўтган даврида 27 та автотранспорт воситаси топилиб, хатланишидан 381 миллион сўм ундирилди. Бу ҳақда «Дарё»га МИБ матбуот хизмати хабар бермоқда.
Жумладан, фуқаролик ишлари бўйича Кармана туманлараро судининг ижро ҳужжатига асосан қарздор Ф.V.дан ундирувчи Д.V. фойдасига уч нафар фарзандининг моддий таъминоти учун алимент ундириш ҳақида қарор чиқарилган. Қарздор томонидан ундурувчига тўланиши лозим бўлган 16 миллион сўм алимент тўловлари тўланмай қолганлиги юзасидан туман давлат ижрочиси томонидан қарздорга тегишли бўлган Lacetti русумли автомашинани қидириб топиш юзасидан қидирув ҳаракатлари олиб борилган.
Тезкор тадбирлар натижасида ушбу машина Андижон вилояти Избоскан туманидан топилиб, автомашина алимент қарздорлигини қоплаш мақсадида МИБ Кармана туман бўлимига олиб келиниши таъминланди.
Бундан ташқари фуқаролик ишлари бўйича Кармана туманлараро судининг ижро ҳужжатига асосан, қарздор А.Ҳ.дан ундирувчи М.Г. фойдасига 32 миллион сўм қарз ундириш белгиланган.
Бироқ қарздор ушбу суммани тўлашдан бош тортиб келаётгани сабабли суд ижрочиси томонидан қидирув қарори чиқарилиб, А.Ҳ.га тегишли Spark русумли автотранспорт воситаси хатланиб, қарз суммаси тўлиқ ундирилишга эришилди.
Изоҳ (0)