SciNews YouTube-канали бортида Бирлашган Араб Амирликларининг Falcon Eye 1 ҳарбий сунъий йўлдоши бўлган Vega ракета ташувчисининг муваффақиятсиз учирилгани тасвирланган видеони жойлади.
Видеода парвознинг иккинчи дақиқасида ракета белгиланган траекториядан чиқиб, пастлаганини кўриш мумкин. Унинг тезлиги ҳам камайишни бошлаган. Учинчи дақиқада Arianespace компанияси вице-президенти Люс Фабрегетт трансляцияни узиб, миссия муваффақиятсиз якунланганини маълум қилган.
Vega ракетасининг Франциянинг Куру космодромидан учириш муваффақиятсиз якунлангани ҳақида 11 июль куни маълум бўлган. Фабрегеттнинг сўзларига кўра, носозликка «жиддий аномалия» сабаб бўлган.
Ҳозирда Arianespace мутахассислари авария сабабларини ўрганмоқда.
Изоҳ (0)