Аввалроқ 20 ёшли Нигина Фаҳриддинова «Miss Intercontinental Uzbekistan 2019» унвони соҳибасига айлангани ва биринчи марта танлов финалида мамлакат номидан иштирок этиши ҳақида хабар берилган эди. Нигина Фаҳриддинова танловдаги иштироки тўғрисида «Дарё»га мактуб йўллади.
‘Miss Intercontinental’ танлови 1971 йилдан бери ҳар йили ўтказилади ва энг нуфузли гўзаллик танловларидан бири ҳисобланади.Жорий йилнинг 21 декабрида Ҳиндистонда 48-маротаба тож кийдириш маросими бўлиб ўтади. Унда ҳар йили дунёнинг юзга яқин мамлакатидан вакиллар иштирок этади. Шу кунгача танлов тарихида Ўзбекистон вакили бўлмаган.
48 йил ичида биринчи бор «Miss Intercontinental 2019» расмий унвонини Нигина Фаҳриддинова МДҲ давлатларида расмий лицензияга эгалик қилувчи M&B Models Agency’нинг онлайн кастингидан ўтиб, қўлга киритди. Танловда ҳар бир мамлакат номидан фақатгина бир киши қатнашиш имкониятига эга. «Miss Intercontinental» ғолибига қиймати 361 466 доллар турадиган тож кийдирилади, бу халқаро гўзаллик танловларидаги энг қиммат тож ҳисобланади.
Ўзбекистон маданият ва гўзалликни ривожлантириш йўлида олға қадам ташлаб, янги босқичга чиққанидан хурсандман. Мен халқаро майдонда мамлакатим шарафини ҳимоя қилиш учун бор куч-ғайратимни ишга соламан.
Ҳамюртларимиз 21 декабрь куни мени чин дилдан қўллаб-қувватлаб турсалар бўлгани.
Мен мамлакатимиз томондан танловга тайёргарлик ишлари, гардероб, конференция, интервьюлар бўйича кўрсатиладиган ёрдамларни қабул қилишга, шунингдек, дизайнерлар, клипмейкерлар ва турли брендлар билан ҳамкорликка тайёрман.
Изоҳ (0)