Олий таълим муассасаларида рўйхатдан ўтган абитуриентлар сонини онлайн кўриш имконияти яратилди. Бу ҳақда Ўзбекистон Олий ва ўрта махсус таълим вазирлиги хабар қилмоқда.
Вазирлар Маҳкамаси ҳузуридаги Давлат тест маркази томонидан qabul.dtm.uz манзилида абитуриентлардан тушган аризалар сонини йўналишлар ҳамда тиллар кесимида онлайн кўриш имконини берувчи сайт ишга туширилди.
Бунда абитуриент ОТМда йўналишни танлаганида қуйидаги маълумотлар акс этади:
- қабул режаси;
- биринчи йўналиш сифатида танлаганлар сони;
- иккинчи йўналиш сифатида танлаганлар сони;
- учинчи йўналиш сифатида танлаганлар сони;
- биринчи сифатида танлаганлар бўйича танлов кўрсаткичи.
Изоҳ (0)