«Кулол ва Хурмача» фильмидаги Хурмача роли билан мухлисларга яхши таниш бўлган актёр ва режиссёр Аброр Турсунов «Дарё» интернет нашрига эксклюзив интервью берди.
Интервьюни «Дарё» мухбири Феруз Муҳаммад ҳамда журналист ва телебошловчи Шоҳира Ҳамро ташкиллаштирди.
Актёр суҳбат давомида сўнгги уч йилда оғир дард билан курашаётган бўлса-да, «Ибратли ривоятлар» деб номланган фильм суратга олгани ҳақида гапириб берди.
‘Ибратли ривоятлар’ деб номланган бадиий фильмни суратга олдим. Фильмда Рихси Иброҳимова, Ражаб Адашев, Саидкомил Умаров сингари ўттиздан ортиқ актёр-актрисалар жамоаси жамланган.Ушбу картинанинг сценарий муаллифи ҳам, режиссёри ҳам, оператори ҳам ўзим бўлдим. Энг сўнгги ўйнаган ролим ҳам айнан шу фильмда бўлди.
Олтита ривоятдан иборат мазкур фильмда бир ривоятда рол ижро этган актёр, бошқа ривоятда рол ижро этмаган. Мақсадим кинони ёшлар кўрса, уларга етиб борса дейман. Яшашимдан мақсадим ҳам аслида шу.
Шу аҳволимда ҳам, шу ёшимда ҳам иккита фильм суратга олмоқчиман. Биринчиси фантастик жанрда, иккинчиси мелодрама жанрида.
Аброр Турсунов, актёр ва режиссёр
Изоҳ (0)