3—4 июль кунлари Нурсултон шаҳрида қор қоплони популяциясини асраб қолиш муаммоларига бағишланган халқаро конференция ўтказилади. Бу ҳақда конференция ташкилотчилари «Дарё»га хабар берди.
Тадбир қор қоплонларини асраб қолиш билан шуғулланувчи хусусий Snow Leopard Foundation ташкилоти ҳисобланади.
Фонд бир йил аввал ташкил этилган. Унинг асосчиси ва муассиси қозоғистонлик таниқли жамоат арбоби, тадбиркор Нурали Алиев ҳисобланади.
Халқаро конференцияда ҳудудида қор қоплони яшовчи 12 та мамлакат — Қозоғистон, Қирғизистон, Ўзбекистон, Тожикистон, Афғонистон, Покистон, Мўғулистон, Хитой, Ҳиндистон, Непал, Бутан ва Россия вакиллари иштирок этади.
Қозоғистон пойтахтига БМТ тараққуёт дастури (UNDP), Жаҳон ёввойи табиат фонди (WWF), Snow Leopard Trust фонди, қор қоплони ва унинг эко тизимини асраш бўйича минтақавий дастур котибияти ҳамда бошқа халқаро ташкилотлар вакиллари ташриф буюради.
Air Astana авиакомпанияси конференсиянинг расмий авиаташувчиси ҳисобланади.
Конференция мавзуси: «Қор қоплонини асраш: популяция ҳолати, ландшафтларни бошқариш ва трансчегаравий ҳамкорлик».
Тадбирнинг асосий мақсади: Қозоғистон рамзи ҳисобланувчи нодир жонивор қор қоплонини ўрганишга ихтисослашган халқаро илмий ҳамжамият вакилларини бир ерга жамлаш.
«Бутун дунёда рамзий ҳайвон турларини сақлаб қолиш жуда катта аҳамиятга эга ва қор қоплони учун афсуски, йўқолиб қолиш хавфи ҳақиқатга айланди: асрнинг сўнгги чорагида қор қоплонлари сони сезиларли даражада камайди. Кўп жиҳатдан бунга антропоген аралашув ҳам сабаб бўлмоқда», - дейди Snow Leopard Foundation асосчиси Нурали Алиев.
Изоҳ (0)