Грузиялик қўшиқчи Нино Катамадзе Россияда концерт беришдан бош тортгани ҳақидаги постини Facebook’даги саҳифасидан ўчириб ташлади, деб хабар беради «РБК».
Ҳозирда қўшиқчи томонидан ижтимоий тармоқда қолдирилган сўнгги хабар 29 июнь санасига тўғри келади.
30 июнь куни Нино Россия—Грузия ўртасидаги зиддиятли муносабатлар сабаб эндиликда Россияда концерт бермаслигини ёзиб қолдирган. Унинг таъкидлашича, Москвада ўтказиладиган «Усадба Жазз» фестивали Россиядаги сўнгги чиқиши бўлиб қолади.
Изоҳ (0)