Боғдодда жойлашган Баҳрайн элчихонаси олдида намойиш ўтказган 50 дан ортиқ киши полиция томонидан ҳибсга олинди, деб хабар берди «Коммерсантъ.ru».
Намойишчилар бироз аввал Баҳрайнда Фаластин келажагига бағишлаб ўтказилган иқтисодий семинардан норозилик билдирган.
«Ривожланиш учун тинчлик» мавзусида ўтказилган форум АҚШ ташаббуси билан чақирилган эди.
27 июнь куни Баҳрайннинг Ироқдаги элчихонаси олдида 200 га яқин одам тўпланди.
Митинг иштирокчилари элчихонаси биносидан баҳрайн байроғини тушириб қўйган. Кейин намойишчилар элчихона биносига бостириб кирган, полиция уларни тўхтатиш учун ўқ узган.
Отишма пайтида жароҳатланганлар ёки қурбонлар ҳақида маълумот йўқ.
Изоҳ (0)