28 июнь, жума куни футбол бўйича Ўзбекистон Суперлигасининг 13-тур баҳсларига старт берилади.
Турнинг дастлабки ўйинида Вадим Абрамов қўл остидаги Тошкентнинг «Бунёдкор» клуби Самарқанднинг «Динамо» клуби майдонига сафар қилади. Учрашув соат 18:00 да старт олади.
Эслатиб ўтамиз, тошкентликлар 12-турда «Сурхон»га 0:2 ҳисобида мағлуб бўлган бўлса, Самарқанд клуби «Локомотив»ни мағлубиятга учратганди (2:1).
Шу куни Миржалол Қосимов бошлиқ Олмалиқнинг ОКМК клуби ўз майдонида Бекободнинг «Металлург» жамоасини қабул қилади. Беллашув соат 19:00 да бошланади.
Маълумот учун, ОКМК аввалги турда «Андижон»дан устун келганди (2:1). «Металлург» эса «Насаф»га имкониятни бой берганди (0:1).
Куннинг сўнгги баҳсида Наманганнинг «Навбаҳор» клуби Навоийнинг «Қизилқум» жамоаси меҳмони бўлади. Ўйин соат 20:00 да бошланиши белгиланган.
Қайд этиш жоиз, «Навбаҳор» охирги турда «Бухоро»ни мағлуб этганди (3:1), «Қизилқум» эса «Пахтакор»га қарши кечган ўйинда ўз дарвозасидан жавобсиз 8 та тўп ўтказганди (0:8).
Суперлига
13-тур баҳслари
28 июнь, жума
«Динамо»—«Бунёдкор» 18:00
ОКМК—«Металлург» 19:00
«Қизилқум»—«Навбаҳор» 20:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)