Владимир Путин Россияда олигархлар йўқлигини маълум қилди. Бу ҳақда Путин Financial Times газетасига берган интервьюсига тўхталиб ўтган, деб хабар беради «ТАСС».
«Эндиликда бизда олигархлар йўқ. Олигархлар бу — катта даромад олиш учун ўзининг ҳукуматга яқинлигидан фойдаланадиганлар. Бизда хусусий ва давлат улуши мавжуд йирик компаниялар бор. Лекин ҳукуматга қандайдир яқинлиги сабаб имтиёзлардан фойдаланадиган компанияларни билмайман, бизда унақаси деярли йўқ», — дейди Россия раҳбари.
Россия Марказий банки томонидан молия тизими бўйича ўтказилаётган сиёсатдан кўплаб олигархлар нозори эканлигини айтган Financial Times журналистига Владимир Путин гап бу ерда олигархлар ёки йирик компанияларда эмаслигини, балки самарасиз ёки ярим жиноий кредит ташкилотлар омонатчиларнинг манфаатларига таъсир кўрсатаётганини билдирди.
Изоҳ (0)