Жорий йилнинг январь май ойида импорт ҳажми 9,3 миллиард долларга (ўсиш суръати 31,3 фоиз) тенг бўлди. Бу ҳақда Давлат статистика қўмитаси маълумотлари далолат беради, деб ёзади Spot.
Импорт таркибида энг катта улуш машина ва асбоб ускуналар ҳамда уларнинг қисмлари (43,4%), кимё маҳсулотлари ва ундан тайёрланган буюмлар (13,6%) ҳамда қора металлар ва ундан тайёрланган буюмлар (7,7%) гуруҳлари ҳисобига тўғри келди.
Январь май ойида 154,6 миллион долларлик енгил автомобиллар импорт қилинди, бу 2018 йилнинг шу даврига нисбатан деярли 1,9 баробар кўпдир.
Маълумотларга кўра, юк автомобиллари ва махсус автомобиллар импорт ҳажми ҳам ортиб, 200 миллион долларни ташкил этди.
Машина ва асбоб-ускуналар асосан Хитой (1,2 миллиард доллар), Корея (776 миллион доллар), Россия (307 миллион доллар), Туркия (274 миллион доллар) ва Германиядан (251 миллион доллар) импорт қилинган.
Изоҳ (0)