Футбол бўйича Африка Миллатлар Кубогининг гуруҳларида 23 июнь, якшанба куни 1-тур баҳслари доирасида 3 та ўйин бўлиб ўтди.
«C» гуруҳидан ўрин олган баҳсда Сенегал терма жамоаси Танзания термасига қарши майдонга тушди.
Учрашувнинг 28-дақиқасида сенегаллик ярим ҳимоячи Кейта Балде ҳисобни очган бўлса, 64-дақиқага келиб Крепен Диотта ҳисобни 2:0 кўринишига олиб келди.
Шу тариқа Сенегал мусобақанинг дастлабки турида Танзания устидан 2:0 ҳисобидаги ишончли ғалабани қўлга киритди.
Шу куни Жазоир терма жамоаси Кенияни синовдан ўтказди.
Беллашувнинг 34-дақиқасида Жазоир термаси ҳужумчиси Боғдод Бунежа пенальтидан рақиб дарвозасига гол урган бўлса, 43-дақиқага келиб ярим ҳимоячи Рияд Маҳрез ҳам ўз номига гол ёздириб қўйди (2:0).
Баҳс якунига кўра Жазоир терма жамоаси мусобақанинг 1-турида Кения устидан зафар қучиб, муҳим 3 очкога эга бўлди.
«D» гуруҳида эса Марокаш термаси Намибия билан баҳсга киришди.
Ўйиннинг 89-дақиқасида намибиялик ҳужумчи Итамунуа Кеймуйне ўз дарвозасига гол уриб қўйди (1:0).
Шу тариқа Марокаш терма жамоаси автогол эвазига Намибияни мағлубиятга учратди ва 3 очкони қўлга киритди.
Африка Миллатлар Кубоги
1-тур баҳслари
23 июнь, якшанба
«C» гуруҳи
Сенегал—Танзания 2:0
Голлар: 1:0 — 28 Кейта Балде, 2:0 — 64 ДиоттаЖазоир—Кения 2:0
Голлар: 1:0 — 34, пенальти, Бунежа, 2:0 — 43 Маҳрез«D» гуруҳи
Марокаш—Намибия 1:0
Гол: 1:0 — 89, автогол, КеймуйнеЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)