Миср парламенти Туркия президенти Ражаб Тоййиб Эрдўғоннинг мамлакат собиқ президенти Муҳаммад Мурсийга ўз вақтида тиббий ёрдам кўрсатилмагани юзасидан Миср ҳукуматига қаратилган айбловини рад этди. «ТАСС»нинг ёзишича, парламент вакили Салоҳ Ҳасбуллоҳ буни мамлакат ички ишларига аралашиш деб атаган.
Парламент вакили Эрдўғон тутган йўлни «Миср ички ишларига аралашув», деб атаган. У, шунингдек, «(Мурсий лавозимидан ағдарилган — таҳр. из.) 30 июндаги инқилоб Эрдўғон ва унинг орзуларига қатъий зарба берган»ини айтган ва Туркия президентини ўз мамлакатида унинг сиёсатига қарши чиққан барчани таъқиб қиладиган золим ва диктатор деб атаган.
Аввалроқ Туркия президенти Эрдўғон Мурсий ўз ўлимига кўра вафот этмаганини, унга ўз вақтида тиббий ёрдам кўрсатмасдан «ўлдирилган»ини айтган. Унинг таъкидлашича, Туркия яқинда ўказиладиган Г-20 саммитида собиқ президент ўлимини кун тартибига қўяди. Эрдўғон «Миср ҳукумати халқаро трибуналда жавоб бериши учун зарур бўлган барча ишларни амалга ошириш»га ваъда берган.
Эслатиб ўтамиз, Муҳаммад Мурсий Қоҳирада 17 июнь куни судда нутқ сўзлаб бўлганидан кейин юрак хуружи оқибатида вафот этган эди.
Изоҳ (0)