Уругвайда қаттиқ ёмғир оқибатида юзага келган сув тошқини сабабли камида 8,5 минг киши ўз уйларини тарк этишга мажбур бўлди. Бу ҳақда «ТАСС» хабар берди.
«Сўнгги маълумотларга кўра, мамлакатнинг 9 та департаментида 8 500 киши ўз уйларини тарк этиб бўлди. Улардан 2781 нафари эвакуация қилинган, 5719 нафари мустақил тарк этди», — дейилади Уругвай Фавқулодда вазиятлар миллий бошқармаси (SINAE)нинг 19 июндаги хабарида.
Энг мураккаб вазият Дурсано департаментида кузатилган бўлиб, у ерда 6 200 киши ўз уйларини тарк этишга мажбур бўлган. Сув тошқинида, шунингдек, Канелонес, Флорес, Флорида, Монтевидео, Рил-Негро, Сан-Хосе, Сорьяно ва Трейнта-и-Трес департаментлари ҳам жабрланган.
Изоҳ (0)