АҚШ Россиядан Boeing самолётининг уриб туширилиши бўйича ишда гумонланаётган шахсларни судга етказилишини таъминлашга чақирмоқда. Бу ҳақда АҚШ давлат котиби Майкл Помпеога таяниб, «Эхо.Москви» хабар берди.
Халқаро тергов қўмитаси гуруҳи Нидерландия прокуратураси томонидан айблов эълон қилинган тўрт нафар фуқаронинг исмини маълум қилганди. Улар — Донецк Халқ Республикасининг тўрт нафар сепаратчиси, уч нафари россиялик. Стрелков номи билан танилган Игорь Гиркин, Сергей Дубинский ва Олег Пулатов, шунингдек, украиналик Леонид Харченко.
Суд 2020 йил 9 март куни бошланади.
Амстердамдан Куала-Лумпурга учган Малайзиянинг Boeing самолёти бундан 5 йил олдин Донассда уриб туширилган эди. Нохуш ҳодиса оқибатида 300 га яқин одам ҳалок бўлган.
Федерация кенгаши қўмитасининг халқаро ишлар бўйича раиси ўринбосари Андрей Климовнинг таъкидлашича, халқаро тергов гуруҳининг MH17 бўйича илгари сураётган даъвоси еталича далилга эга эмас.
Изоҳ (0)