Давлат тест маркази Telegramда расмий канал (@rasmiydtm) очди. ДTМнинг расмий канали қабулга оид маълумотларни бера бошлади, деб ёзади Хушнудбек Худайбердиев ўз Telegram-каналида.
Унда турли янги маълумотлар эълон қилинмоқда.
Жумладан, учта йўналишни танлаётганда нафақат фанлар кетма-кетлиги мос бўлиши керак, балки таълим тили ҳам бир хил бўлиши шарт. Яъни иккитасини ўзбек тилига, 1 тасини рус тили (евро)га топшириб бўлмайди. Ёки учаласи ҳам ўзбек, ёки учаласи ҳам рус тили бўлиши керак.
Бундан ташқари, Жаҳон иқтисодиёти ва дипломатия университети ҳамда Тошкент темир йўл муҳандислик институтига ҳужжат топшириш учун фақат ўша ОТМларнинг ўзига (яъни Тошкентга) бориш керак. Қолган ОТМлар учун эса Тошкентга (ОТМнинг ўзига) келиш шарт эмас. ТДЮУ учун исталган тумандаги ДХМга бориш керак, қолган ОТМлар учун исталган ОТМга бориш кифоя.
Нима учун ЖИДУ ва ТошТЙМИга албатта ўзига бориш керак?
Биринчидан, ЖИДУнинг қабул тартиби бошқалардан фарқ қилади. Уларда қабул 5 июлгача (15 июль эмас) давом этади, шунингдек, тестгача университетнинг ўзида бирламчи саралаш босқичи бўлади.
Иккинчидан, ТошТЙМИда талабанинг саломатлиги ҳам муҳим, шунинг учун абитуриентлар ҳужжат топширишда тиббий комиссия назоратидан ҳам ўтади.
Изоҳ (0)