Давлат хавфсизлик хизмати Қашқадарё вилояти бошқармаси ва Бош прокуратура ҳузуридаги Департаментнинг вилоят бошқармаси ходимлари ҳамкорлигида ўтказилган тезкор тадбир натижасида, хориж валютасининг ноқонуний савдоси билан шуғулланувчи фуқаро қўлга олинди, деб хабар беради ЎзА.
Қарши шаҳрида туғилган Азамат Норов 21 400 АҚШ долларини 8550 сўмдан ҳисоблаб, 182 миллион 970 минг сўмга сотаётган вақтда ашёвий далиллар билан ушланган.
Аниқланишича, Норов ушбу валютанинг 1400 АҚШ долларини ўзининг таниши Элдор Бекқуловдан олган.
Сўнгра тезкор тадбир давом эттирилиб, Бекқуловнинг Gentra русумли автомашинаси кўздан кечирилганда, унинг салонида 28 минг 600 АҚШ доллари ва 8 миллион 14 минг сўм борлиги аниқланган.
Норов ва Бекқуловдан жами 50 минг АҚШ доллари ва 8 миллион 14 минг сўм пул ашёвий далил сифатида расмийлаштириб олинган.
Ҳозирда Ўзбекистон Республикаси Жиноят кодексининг тегишли моддасига асосан жиноят иши қўзғатилиб, тергов ҳаракатлари олиб борилмоқда.
Изоҳ (0)