Футбол бўйича Ўзбекистон Суперлигасининг 11-тур ўйинларига 15 июнь, шанба куни старт берилади.
Куннинг дастлабки ўйинида Қўқоннинг «Қўқон-1912» клуби Самарқанднинг «Динамо» жамоасига қарши майдонга тушади. Учрашув соат 18:00 да бошланади. Эслатиб ўтамиз, қўқонликлар аввалги турда «Сурхон»га имкониятни бой бериб қўйган бўлса (1:2), Самарқанд клуби эса «Қизилқум» билан дурангга имзо чекканди (2:2).
10-турда «Насаф»ни мағлуб этган (1:0) «Локомотив» клуби Тошкентда Термизнинг «Сурхон» жамоасини қабул қилади. Беллашув соат 19:30 да бошланиши белгиланган. Қайд этиш жоиз, «темирйўлчилар» 21 очко жамғарган ҳолда мусобақа жадвалида 2-ўринда бормоқда. 3-поғонани эгаллаб турган «Сурхон» ҳисобида эса 18 очко мавжуд.
Олдинги турда «Бухоро»дан устун келган (2:0) Жиззахнинг «Сўғдиёна» жамоаси Навоийнинг «Қизилқум» клуби майдонига сафар қилади. Баҳс соат 20:00 да старт олади. Маълумот учун, Жиззах клуби 15 очко тўплаб, мусобақа жадвалида 5-ўриндан жой олган бўлса, «Қизилқум» 10 очко билан 10-ўринни банд қилган.
Суперлига
11-тур баҳслари
15 июнь, шанба
«Қўқон-1912»—«Динамо» 18:00
«Локомотив»—«Сурхон» 19:30
«Қизилқум»—«Сўғдиёна» 20:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)