UFC жангчиси Ҳабиб Нурмагомедов Англия Премьер лигаси учрашувларини мунтазам кўриб боришини ҳамда «Реал»га мухлислик қилишини маълум қилди. Бу ҳақда BT Sport маълум қилди.
— Сиз футбол мухлисимисиз?— Мен нафақат мухлисман, балки футбол тарихини ҳам жуда яхши биламан. Мен учун Англия Премьер лигаси дунёдаги энг яхши лига ҳисобланади. Барча учрашувларини кузатиб бораман.
— Севимли жамоангиз қайси? Балки «Ливерпуль»дир?
— Менга «Ливерпуль» ёқади. 2005 йил бўлиб ўтган «Милан»га қарши Европа Чемпионлар Лигаси финалини кўрганим эсимда. Доғистонда соҳил бўйида катта экран бўлар эди. Ўйинни кўриш учун 1000 га яқин одам йиғилар эди.
Биринчи бўлимдан сўнг «Ливерпуль» 0:3 ҳисобида ютқазаётганди, лекин уларнинг ғалаба қозонишига ишонардим. Менга ушбу клуб жуда ёқарди. Милан Барош, Владимир Шмицер, Йон-Арне Рисе, Сами Ҳююпия, Стивен Жеррард… бу даҳшатли жамоа эди.
Ҳозир «Ливерпуль» ажойиб жамоа сифатида шаклланди. Мен Европа Чемпионлар Лигасининг «Ливерпуль» иштирокидаги барча учрашувларини кўрдим.
Лекин мен «Реал»нинг ашаддий мухлисиман. Менга Премьер лига учрашувларини кўриш ёқади, ҳаттоки кучсиз клублари ўйини ҳам.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)