Вашингтон университети олимлари Антарктида соҳилларидаги муз қопламаларида катта ёриқлар ҳосил бўлишининг асосий сабабини аниқлади. Бу ҳақда Phys.org хабар берди.
Тадқиқотчилар денгиз музликларининг сунъий йўлдошдан олинган суратларини ҳамда датчиклар ўрнатилган денгиз филлари ва роботлаштирилган зондлар орқали олинган маълумотларни таҳлил қилди.
Маълум бўлишича, соҳилдан узоқдаги ёриқлар бир қатор омиллар, хусусан, океандаги ноодатий шароит ва Уэдделла денгизида содир бўлувчи доимий пўртана сабабли пайдо бўлади.
Антарктидани ўраб турган шамоллар соҳилга яқинлаша бошлаганда Уэдделла денгизи шарқий қисмида денгиз суви юқори оқимлари юзага келади. Мод Райз сув ости тепалиги бу оқимдан уюрма ҳосил бўлишига сабаб бўлади. Океан юзасида шўрлик ортганида қишги пўртана циркуляциянинг ўзгаришига олиб келиши мумкин.
Иссиқ шўр сув юзага чиқиб совийди ва қалинлашиб яна чўкади. Натижада муз ҳосил бўлишига тўсқинлик қилувчи доимий ҳолат содир бўлади.
Мод-Райз ёриғи 2016—2017 йилларда, денгиз музликлари қалинлашган пайтда кузатилган. Унинг қалинлиги 2017 йилда 9500 квадрат километрни ташкил этган ва бир ой ичида 80 минг квадрат километрга ошган. Ёз ойи бошларида музликлар эришни бошлаганда ёриқлар океан билан қўшилиб, уйғунлашиб кетади. Бундай ҳодиса 1970 йилда ҳам кузатилган.
Изоҳ (0)