Олимлар чекиш эркаклар умрини 9 йилга қисқартиришини аниқлади

Чекиш эркакларнинг ўртача умр кўриш давомийлигини 9 йилга, аёллар умрини эса деярли 6 йилга қисқартиради. «ТАСС»нинг ёзишича, бу ҳақда россиялик мутахассисларнинг «Трезвая Россия» лойиҳаси таҳлилий ҳисоботида келтирилган.

Мутахассислар маълумотига кўра, Россияда чекиш билан боғлиқ сабабларга кўра ҳар йили 300 мингдан ортиқ одам вафот этади. Бу ўлимнинг бошқа ташқи сабаблари (ЙТҲ, спритли ичимлимклардан заҳарланиш ва қотилликларнинг умумий ҳисоби)дан уч баравар кўпдир.

Шунингдек, қайд этилишича, актив ва пассив чекиш қон айланиш тизими касалликлари ва ва янги ўсмалар келиб чиқишининг асосий омили ҳисобланади.

Болалик ва ўсмирлик даврида тамаки маҳсулотларини истеъмол қилиши ёш организмнинг тўғри шаклланишига имкон бермайди. Оқибатда хотира, кўриш, эшитиш борасида муаммолар пайдо бўлади, гормонлар бузилиши, ички органлар касалликлари кузатилади, саратон касаллиги хуружи ортади ҳамда жисмоний ва руҳий ривожланиш билан боғлиқ муаммолар юзага келади.

Мутахассисларнинг қайд этишича, ресторанларда чекиладиган калянлар дезинфекцияланмайди ва унда инфекцияли касалликлар қўзғатадиган бактериялар бўлиши мумкин.

«Калянларни ишонч билан оммавий истеъмол қилинадиган ингалятор дейиш мумкин. Бунда кафе ва ресторанларда фойдаланиладиган калянлар таркибий қисми бўлган чекиш трубкалари ва колбаларда стафилококк, сил касаллиги, герпес ва А гепатити қўзғатувчилари ва бошқа бактериялар бўлади», — дейилади ҳисоботда.

Мутахассисларнинг фикрича, юқоридаги касаллик қўзғатувчиларнинг атиги биттаси бўлганда ҳам Роспотребнадзор томонилан улардан фойдаланишни тақиқлашга сабаб бўлади. Қайд этилишича, айрим бактериялар фақатгина спирт эритмаси ёки хлор билан кетқазиш мумкин. Шу билан бирга, бундай дезинфекцияни ҳар бир калян чеккан одамдан сўнг амалга ошириши талаб этилади.

Тамаки маҳсулотини сақлаш қоидасининг бузилиши ҳам ундан кўп миқдорда зарарли моддалар пайдо бўлишига олиб келиши мумкин. Шу сабабли «Трезвая Россия» мутахасссислари калянлар учун мўлжалланган тамаки таркибида зарарли моддаларни ўрганиш бўйича мустақил тадқиқот ўказиш ва унинг натижаларини оммага маълум қилишни таклиф қилмоқда.