Футбол бўйича Евро—2020 саралаш босқичи доирасида 8 июнь, шанба куни гуруҳларда 3-тур ўйинлари давом эттирилди.
Хусусан, ЖЧ—2018 финалчиси Хорватия терма жамоаси «E» гуруҳида Уэльс билан баҳс олиб бориб, 2:1 ҳисобида ғалаба қозонди. Аввалига Лоуренс 17-дақиқа ўз дарвозасини ишғол қилиб, Хорватияга ёрдам бериб юборган бўлса, 48-дақиқада эса Иван Перишич ҳисобни 2:0 кўринишига келтирди. Ўйиндаги сўнгги гол захирадан майдонга тушган Дэвид Брукс томонидан киритилди.
«C» гуруҳидан ўрин олган Германия терма жамоаси сафарда Беларусь термасига қарши баҳс олиб бориб, Лерой Сане ҳамда Марко Ройсларнинг биттадан киритган голлари эвазига ғалабани қўлга киритди.
Турнинг марказий ўйинларидан бири «H» гуруҳида кечди. Унда Туркия терма жамоаси ўз майдонида ЖЧ—2018 чемпиони Францияга қарши кураш олиб борди. Беллашувда ҳисобни мезбонлар вакили Айхон 30-дақиқада очган бўлса, 40-дақиқага келиб Женгиз Ундер Уго Льорис дарвозасига 2-голни киритди. Натижада французлар турклар майдонидан қуруқ қўл билан қайтадиган бўлди.
Қўшни Қозоғистон терма жамоаси эса Роберто Мартинес бошлиқ Бельгия термаси майдонига сафар қилиб, 0:3 ҳисобида ютқазди. Мезбонлар сафидаги голларга Дрис Мертенс, Кастан ва Ромелу Лукаку муаллифлик қилди.
«I» гуруҳи вакили Россия терма жамоаси ўз уйида Сан-Маринони қабул қилиб, 9:0 ҳисобида ғалаба қозонди. Голлардан 4 тасига Александр Дзюба муаллифлик қилди.
Евро—2020
Саралаш босқичи
3-тур ўйинлари
«C» гуруҳи
Эстония — Шимолий Ирландия 1:2
Голлар: 1:0 – 25 Василев, 1:1 – 77 Маженнис, 1:2 – 80 Маженнис.
Беларусь — Германия 0:2
Голлар: 0:1 – 12 Сане, 0:2 – 62 Ройс.«E» гуруҳи
Хорватия — Уэльс 2:1
Голлар: 1:0 – 17, автогол Лоуренс, 2:0 – 48 Перишич, 2:1 – 77 Брукс.Озарбайжон — Венгрия 1:3
Голлар: 0:1 – 18 Орбан, 0:2 – 53 Орбан, 1:2 – 69 Мадатов, 1:3 – 71 Холман.«H» гуруҳи
Исландия — Албания 1:0
Гол: 1:0 – 22 Гудмундссон.Молдова — Андорра 1:0
Гол: 1:0 – 8 Армаш.Туркия — Франция 2:0
Голлар: 1:0 – 30 Айхан, 2:0 – 40 Ундер.«I» гуруҳи
Россия — Сан-Марино 9:0
Голлар: 1:0 – 25, автогол Чеволи, 2:0 – 31, пенальти Дзюба, 3:0 – 36 Кудряшов, 4:0 – 41 Миранчук, 5:0 – 73 Дзюба, 6:0 – 76 Дзюба, 7:0 – 77 Смолов, 8:0 – 83 Смолов, 9:0 – 88 Дзюба.Бельгия — Қозоғистон 3:0
Голлар: 1:0 – 11 Мертенс, 2:0 – 14 Кастан, 3:0 – 50 Лукаку.Шотландия — Кипр 2:1
Голлар: 1:0 – 61 Робертсон, 1:1 – 87 Кусулос, 2:1 – 89 Берк.
Арманистон — Лихтенштейн 3:0
Голлар: 1:0 – 2 Казарян, 2:0 – 18 Карапетян, 3:0 – 90 Барсегян.Финляндия — Босния ва Герсеговина 2:0
Голлар: 1:0 – 56 Пукки, 2:0 – 68 Пукки.Греция — Италия 0:3
Голлар: 0:1 – 23 Барелла, 0:2 – 30 ИнсинЕ, 0:3 – 33 Бонуччи.Мавзуга доир: Евро—2020 . Украина Сербияга жавобсиз 5 та, Испания эса Фарер оролларига атиги 4 та гол урди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)