АҚШ президенти Дональд Трамп ва Франция президенти Эммануэль Maкрoн ўтқазган эман кўчати нобуд бўлди, деб хабар берди «Газета.ru».
Маълум бўлишича, дарахт ўсимликларни АҚШга келтиришда бўладиган узоқ карантинга дош бера олмаган. Қонунчиликка кўра, АҚШга келтирилган ҳар қандай ўсимлик, уруғ ва ҳатто тупроқ ҳам Америка ерига қўйилишидан аввал карантиндан ўтиши керак.
Трамп ва Maкрoн 2018 йилнинг апрелида Оқ уй яқинида эман кўчатини ўтқазган эди. Бу кўчатни Maкрoн ва унинг рафиқаси Франциядан олиб келган эди. Эртаси куни дарахт Оқ уй майсазоридан йўқолган.
Maкрoн олиб келган эман дарахти икки давлат ўртасидаги дўстлик рамзи эди. Кўчат Вашингтонга Франция шимоли-шарқидаги Белло ўрмонидан келтирилган. У ерда 1918 йил ёзида, Биринчи Жаҳон урушида америкалик ва франсиялик аскарлар бирга жанг қилган. Беллодаги жангда 2 мингга яқин америкалик аскар ҳалок бўлган.
Изоҳ (0)