Меган Маркл туғуруқдан сўнг биринчи марта оммага кўриниш берди (видео)

Меган Маркл ўғли туғилганидан сўнг биринчи марта турмуш ўртоғи шаҳзода Гарри билан омма олдида чиқиш қилди, деб ёзмоқда «Интерфакс».

Улар Буюк Британия қироличаси Елизавета Иккинчининг туғилган кунини бу йили иккинчи марта нишонлаётган Trooping the Colour анъанавий ҳарбий парадида иштирок этди.

Қайд этилишича, парадда 1400 нафар ҳарбий ва 400 нафар мусиқачилар иштирок этган, 200 та от жалб этилган.

https://twitter.com/i/status/1137337989439348737

Маросимни, шунингдек, Кембриж герцоги ва герцогиняси Уильям ва Кейт ҳамда уларнинг уч нафар фарзанди —  Жорж, Луи ва Шарлотта ҳам кузатган.

Шаҳзода Гарри ва Меган Маркл 6 май куни ўғилли  бўлган. Унга Арчи Ҳаррисон Маунтбеттен-Виндзор деб исм қўйилди.

Монархларнинг туғилган кунини июнда нишонлаш 1748 йилда пайдо бўлган. Елизавета Иккинчининг ҳақиқий туғилган кун 21 апрелдир.