Флоридада 3 метрли тимсоҳ ошхона ойнаси орқали уйга кириб, тартибсизлик уюштирди (видео)

Флорида штатидаги Клируотер шаҳрида жойлашган уйлардан бирига узунлиги 3 метрдан ошиқ бўлган тимсоҳ кириб қолди. Ошхона ойнаси орқали уйга кирган тимсоҳ бир неча шиша идишдаги виноларни синдириб, ҳамма жойни вайрон қилган, деб хабар беради Forum Daily.

Мазкур ҳодиса 31 май куни соат тунги 03:30 ларда содир бўлган. 77 ёшли Мэри Вишхузен ҳожатхонага йўл олаётиб, шовқинни эшитиб қолган ва ошхонасида таклиф қилинмаган меҳмонга дуч келган.

Вишхузен қўрқиб кетиб 911 га қўнғироқ қилган ва полиция офицерлари етиб келгунига қадар ётоқхонасидан чиқмаган.

Маҳаллий полициячилар ўзларининг Twitter’даги саҳифасига уйда тартибсизлик келтириб чиқарганидан хурсанд тимсоҳнинг расмини жойлаштирган.

Полиция ва овчиларнинг саъй-ҳаракати билан тимсоҳ уйдан чиқариб юборилган. Кутилмаган меҳмоннинг ташрифидан ҳеч ким жароҳат олмаган.

We know you've been chomping at the bit for more visuals from today's alligator trespassing in Clearwater🐊 The male alligator was 10 to 11 feet in length. During the apprehension, the alligator knocked over several bottles of wine. The red liquid in the video is wine, not blood. pic.twitter.com/x6ktib6ajl

— Clearwater Police Department (@myclearwaterPD) May 31, 2019