Солиқ инспектори шер Сингх Ҳиндистон мактабларидан бирига кириб қолган илонни қутқарди, деб хабар берди «ТАСС».
Маълум бўлишича, 1 июнь куни синфга катта илон судралиб кириб, ўқувчи ва ўқитувчиларни ваҳимага солган. Мактаб маъмурияти уни таёқ билан уриб, заҳарли пестицид қуйишни бошлаган. Илонларни яхши биладиган Сингх бу катта, лекин бутунлай хавфсиз катта кўзли илон (Ptyas mucosa) эканлигини кўрган. Бундай илонлар бутун Жанубий Африкада яшайди ва уни «Ҳиндистон қаламуш илони» деб ҳам аташади.
«Одам илонни кўриши билан унга ҳужум қилиши одатий ҳол. Мактаб ходимлари илонга пестицид қуйди. Лекин у «каламуш илони». У заҳарли эмас ва фақат сиз унга ҳужум қилганингизда чақиши мумкин», — деган Сингх. «Ҳамма илонлар ҳам заҳарли ва одамлар учун ҳавфли эмас», — деб қўшимча қилган у.
У жабрланган илонни олиб, сомонча ёрдамида унинг ошқозонини сув билан ювган. Қайд этилишича, ҳозирда илоннинг аҳволи яхши бўлиб, у тузалиб кетгач ёввойи табиатга қўйиб юборилади.
Солиқ инспекторининг ҳаракати маҳаллий ОАВларда шоу-шув бўлган. Уни нафақат табиат ҳимоячилари, балки маҳаллий браҳманлар ҳам мақтаган. Индуизмда илонга жуда ҳурмат билан қаралади, шу сабабли улар илонларга озор бермаслик керак деб ҳисоблайди.
Изоҳ (0)