Шимолий Каролинада нафақага чиққан сотувчи Жексон жекпотда 344,6 миллион доллар ютиб олди. Forum Daily’нинг хабар беришича, у 223 миллион долларлик бир марталик тўлов олишни танлаган.
Қайд этилишича, бу маблағларнинг бир қисмини ҳайрия ташкилотларига бериш ниятида. Яна бир миллион долларни баҳсда ютқазгани учун қарзини ёпиш мақсадида укасига бермоқчи.
Аввалига Жексон 50 000 доллар ютдим деб ўйлаган. Лекин рақамларни қайта текшириб, бундан ҳам кўпроқ пул ютиб олганини билган. Унинг таъкидлашича, ютуқли рақамни набираси берган печеньеда кўрган.