«Ўзавтосаноат» АЖ 2030 йилга келиб ички бозорда енгил автомобиллар ҳажмини 300 мингдан 450—460 минг донагача оширади. Автобуслар сотуви ҳажми эса 1 мингдан 2 минг донагача ортади. Бу ҳақда 7 июнь куни Ахборот ва оммавий коммуникациялар агентлигида «Ўзавтосаноат» АЖ вакиллари иштирокида ўтган брифингда маълум қилинди, деб ёзади UZ24.
Бугунги кунда енгил автомобиллар ишлаб чиқаришнинг йиллик қуввати 300 минг донани, юк автомобиллари ва автобуслар ишлаб чиқариш қуввати йилига 10 мингтани ташкил этади.
«Ўзавтосаноат» АЖ нинг 2018 йилда Ўзбекистон ЯИМидаги тармоқ улуши 6,6 фоизни, 2018 йилда саноат секторидаги тармоқ улуши 28,2 фоизни ташкил этди.
Брифинг чоғида маҳаллий автомобилсозликдаги қатор муаммолар санаб ўтилди:
- соҳада ички рақобатнинг паст даражада эканлиги;
- бирдан ортиқ ишлаб чиқарувчилар учун зиёнсиз ишлаб чиқариш даражасига эришишга имкон бермайдиган, йилига 300 минг донагача автомобилга бўлган талаб билан чегараланган ички бозорнинг кичик ҳажми;
- республиканинг географик жойлашуви туфайли экспорт бозорларининг чекланганлиги;
- узоқ хорижий мамлакатларга маҳсулот экспорт қилишда юқори логистика харажатлари;
- малакали кадрларнинг кескин етишовчилиги ва саноат учун муҳандислик кадрларини жалб қилиш, тайёрлаш ва рағбатлантиришнинг самарали тизими мавжуд эмаслиги;
- инжиниринг салохиятининг йўқлиги, шу жумладан, илмий-тадқиқот институтларни ривожлантиришнинг паст даражаси;
- саноатнинг паст инвестицион жозибадорлиги ва салоҳиятли инвесторлар ва хорижий автомобиль компанияларининг Ўзбекистоннинг автомобиль соҳасига сармоя киритишда қизиқиши этарли эмаслиги.
Унда мамлакат транспорт комплексини экология ва хавфсизлик бўйича халқаро талабларга жавоб берадиган замонавий автомобиллар билан тўлдириш, автомобиль ва автомобиль компонентларини ишлаб чиқариш, уларни сотиш ва сервис хизматларини кўрсатиш соҳасида рақобатни ривожлантириш сингари мақсад ва вазифалар белгиланган.
Изоҳ (0)