“O‘zavtosanoat” AJ 2030-yilga kelib ichki bozorda yengil avtomobillar hajmini 300 mingdan 450—460 ming donagacha oshiradi. Avtobuslar sotuvi hajmi esa 1 mingdan 2 ming donagacha ortadi. Bu haqda 7-iyun kuni Axborot va ommaviy kommunikatsiyalar agentligida “O‘zavtosanoat” AJ vakillari ishtirokida o‘tgan brifingda ma’lum qilindi, deb yozadi UZ24.
Bugungi kunda yengil avtomobillar ishlab chiqarishning yillik quvvati 300 ming donani, yuk avtomobillari va avtobuslar ishlab chiqarish quvvati yiliga 10 mingtani tashkil etadi.
“O‘zavtosanoat” AJ ning 2018-yilda O‘zbekiston YaIMidagi tarmoq ulushi 6,6 foizni, 2018-yilda sanoat sektoridagi tarmoq ulushi 28,2 foizni tashkil etdi.
Brifing chog‘ida mahalliy avtomobilsozlikdagi qator muammolar sanab o‘tildi:
- sohada ichki raqobatning past darajada ekanligi;
- birdan ortiq ishlab chiqaruvchilar uchun ziyonsiz ishlab chiqarish darajasiga erishishga imkon bermaydigan, yiliga 300 ming donagacha avtomobilga bo‘lgan talab bilan chegaralangan ichki bozorning kichik hajmi;
- respublikaning geografik joylashuvi tufayli eksport bozorlarining cheklanganligi;
- uzoq xorijiy mamlakatlarga mahsulot eksport qilishda yuqori logistika xarajatlari;
- malakali kadrlarning keskin yetishovchiligi va sanoat uchun muhandislik kadrlarini jalb qilish, tayyorlash va rag‘batlantirishning samarali tizimi mavjud emasligi;
- injiniring saloxiyatining yo‘qligi, shu jumladan, ilmiy-tadqiqot institutlarni rivojlantirishning past darajasi;
- sanoatning past investitsion jozibadorligi va salohiyatli investorlar va xorijiy avtomobil kompaniyalarining O‘zbekistonning avtomobil sohasiga sarmoya kiritishda qiziqishi etarli emasligi.
Unda mamlakat transport kompleksini ekologiya va xavfsizlik bo‘yicha xalqaro talablarga javob beradigan zamonaviy avtomobillar bilan to‘ldirish, avtomobil va avtomobil komponentlarini ishlab chiqarish, ularni sotish va servis xizmatlarini ko‘rsatish sohasida raqobatni rivojlantirish singari maqsad va vazifalar belgilangan.
Izoh (0)