Футбол бўйича Европа Чемпионлар Лигасининг 2018/2019 йилги мавсуми финал учрашуви 1 июнь, шанба куни бўлиб ўтди.
Финал баҳсида Маурисио Почеттино қўл остидаги «Тоттенҳэм» клуби Мадридда Юрген Клопп бошлиқ «Ливерпуль» жамоасига қарши майдонга тушди.
Учрашувнинг 2-дақиқасидаёқ «мерсисайдликлар» етакчиси Муҳаммад Салоҳ 11 метрлик жарима зарбасидан ҳисобни очди. Иккинчи бўлимда захирадан майдонга тушган Дивок Ориги 87-дақиқада ҳисобни 2:0 кўринишига олиб келди.
Шу тариқа «қизиллар» мусобақа финалида «шпорлар» дарвозасига жавобсиз 2 та гол уриб, ғолибликни қўлга киритди.
Қайд этиш жоиз, «Ливерпуль» бунгача беш марта ушбу мусобақа бош совринига эга чиққанди.
Европа Чемпионлар Лигаси
Финал баҳси
1 май, шанба
«Тоттенҳэм»—«Ливерпуль» 0:2
Голлар: 0:1 — 2, пенальти, Салоҳ, 0:2 — 87 Ориги«Тоттенҳэм»: Льорис, Алдервейрелд, Роуз, Триппиер, Вертонген, Алли (Льоренте, 82), Уинкс (Лукас Моура, 66), Сиссоко (Дайер, 74), Эриксен, Сон Ҳён Мин, Кейн
«Ливерпуль»: Алиссон, Матип, Робертсон, Александер-Арнольд, ван Дейк, Ҳендерсон, Фабиньо, Вейналдум (Милнер, 62), Мане (Гомес, 90), Салоҳ, Фирмино (Ориги, 58)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)