Венгрия полицияси Дунай дарёсида сайёҳлар тушган катер билан тўқнашувни содир этган круиз кемаси капитанини қўлга олди. Бу ҳақда «РИА Новости» хабар бермоқда.
Олдинроқ полиция Viking Cruises компаниясига тегишли Sigyn кемасининг украиналик капитанини сўроқ қилгани билдирилганди.
«Сўроқдан сўнг Одессада яшовчи 64 яшар Юрий С. қўлга олинди. Биз уни ҳибсга олишга ордер сўрадик», — дейилади полиция баёнотида.
Эслатиб ўтамиз, Sigyn кемаси билан тўқнашувдан сўнг бортида 33 нафар Жанубий кореялик сайёҳ ва 2 нафар экипаж аъзоси бўлган катер ағдарилган ва чўкиб кетганди. Бунинг оқибатида 7 киши ҳалок бўлди, 21 киши бедарак йўқолди.
Изоҳ (0)