Мудофаа вазирининг тарбиявий ва мафкуравий ишлар бўйича ўринбосари генерал-майор Азизбек Икрамов бошчилигидаги масъул мансабдор шахслардан иборат гуруҳ 28—29 май кунлари Жануби-ғарбий махсус ҳарбий округнинг Термиз гарнизонида жойлашган «Оила маркази»да сайёр қабул ўтказди.
Вазирлик матбуот хизматининг хабар беришича, қабулда Мудофаа вазирлиги марказий аппаратидан иборат ишчи гуруҳ билан бирга округ қўмондонлиги масъул офицерлари ҳам иштрок этди. Улар ҳарбий хизматчилар ва уларнинг оила аъзолари ҳамда ҳарбий пенсионерларнинг мавжуд муаммолари, талаб, таклиф ва эҳтиёжлари ўрганилиб, уларга амалий кўмак бериш юзасидан иш олиб борди.
Хусусан, саломатлиги туфайли йиллар давомида азият чекиб келаётган нафақадаги подполковник Ғарибжон Сафаровга ёрдам берилди. У июнь ойининг биринчи ўн кунлиги ичида ўз ташхиси бўйича билан Мудофаа вазирлиги Марказий ҳарбий клиник госпиталида даволанадиган бўлди. Агар зарурат туғилса, ҳатто хориж шифохоналарига ҳам йўлланма олишига имкон бўлишига ваъда берилди.
Сайёр қабул ишчи гуруҳи билан биргаликда Сурхондарё вилоятининг давлат ва жамоат ташкилотлари вакиллари ҳам соғлиқни сақлаш, таълим, спорт, банк ва кредит, бандликка кўмаклашиш каби ижтимоий-маиший муаммоларга ечим топди.
Хабарда айтилишича, шу каби сайёр қабуллар 30 май куни Қарши шаҳарида, 31 май куни эса Бухоро шаҳрида ўтказилади.
Изоҳ (0)